https://bashkiaskrapar.gov.al/
*Pas Reformës territoriale Bashkia Çorovodë mban emërtimin Bashkia Skrapar. Komunat partnere të projektit u përfshinë në Bashkinë Skrapar (Ligji 115/2014). Ministria e Zhvillimit Ekonomik, Turizmit, Tregëtisë dhe Sipërmarrjes gjithashtu, është ristrukturuar në vitin 2017.
Fondi i financuar - 49.963.700 Lek (ose 356.145,84 Euro)
Objektivi i përgjithshëm:
Të kontribuojë në krijimin e vendeve të reja të punës në zonë dhe të diversifikojë ekonominë bujqësore si ekonomi mbizotëruese përmes promovimit të turizmit të qëndrueshëm dhe atij të aventurës
Aktivitetet kryesore të projektit:
- Realizimi i infrastrukturës rurale të qëndrueshme dhe mjedisore të nevojshme për turizmin e aventurës dhe vlerësimin e territorit në lumin Osum për të promovuar aktivitetet e rafting, trekking, pistave për biçikleta etj)
- Realizimi i sinjalistikës për promovimin e aktiviteteve dhe vendeve turistike;
- Krijimi i një brandi lokal dhe hapja e një faqe interneti për promovimin e turizmit (http://www.visitskrapar.com/home)
- Trajnim për të rinjtë dhe gratë në kushte të vështira për vlerësimin e prodhimit lokal dhe për përvetësimin e aftësive të reja profesionale në fushën e mikpritjes dhe promovimit të turizmit;
- Krijimi i një enti të ri publik-privat vendas për promovimin e turizmit përmes qasjes LEADER.